Bakı. Kənan Həsənov - APA-Sport. Qartəpə şəhərində təşkil olunan şahmat üzrə Türkiyə çempionatı başa çatmaq üzrədir. “APA-Sport” agentliyinin məlumatına görə, yerli komandaların tərkibində Azərbaycan şahmatçıları da mübarizə aparır. Milli komandamızın üzvləri Qədir Hüseynovla Eltac Səfərlinin şərəfini qoruduğu “Truva” klubu ardıcıl 14 oyunda qələbə qazanaraq, sona bir tur qalmış çempionluğu rəsmiləşdirib. Rauf Məmmədovun heyətində yer aldığı “Doruk Kolleci” komandası isə 24 xalla 2-3-cü pillələri bölüşür. Fərid Abbasovun çıxış etdiyi “Tarsus Zeka” klubu 15 xal toplayıb və 7-ci pillədə qərarlaşıb. Yığmanın baş məşqçisi Fikrət Sideifzadə ilə Vasif Durarbəylinin şərəfini qoruduğu “Antalya Çallıspor” (11 xal) isə 11-ci sırada yer alıb. 16 komandanın dairəvi sistemlə keçirilən birinciliyinə bu gün yekun vurulacaq.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb