Bakı. Aqşin Əliyev - APA-Sport. İsveçin Höteborq şəhərində keçirilən 18 yaşadək qız həndbolçular arasında Avropa birinciliyinin qrup mərhələsi başa çatıb. “APA-Sport” agentliyinin məlumatına görə, C qrupunda yer alan Azərbaycan milli komandası uğursuzluğa düçar olub. Yelena Namaliyeva və Marina Cəfərovanın rəhbərlik etdiyi kollektiv keçirdiyi bütün oyunlarda məğlubiyyətlə üzləşib. Avstriya (23:27), Belarus (15:23), Portuqaliya (13:21), Norveç (13:33) və İsveçə (14:31) uduzan həndbolçularımız qrupda axırıncı pillədə qərarlaşıblar. Buna baxmayaraq, yığmamız hələ iki gün mübarizəni davam etdirəcək. Milli komandamız 17-22-ci yerlər uğrunda yarışacaq. Həmyerlilərimiz 22 komandanın qatıldığı Avropa birinciliyində son sırada qalmamaq üçün digər qrupların autsayderlərini məğlub etməlidirlər.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb