Bakı. Mehman Süleymanov - APA-Sport. Məşhur türkiyəli ağırlıqqaldıran Xəlil Mutlunun dördqat olimpiya çempionu olmaqla, tarixə düşmək arzusu ürəyində qalıb. “APA-Sport” agentliyinin məlumatına görə, X.Mutlu gələn ay Pekində keçiriləcək Yay Olimpiya Oyunlarına yollanmaqdan imtina etdiyini bəyan edib. 35 yaşlı idmançı bununla bağlı öncə Türkiyənin idman naziri ilə məsləhətləşib. O, son üç Olimpiadada - Atlanta-96 və Sidney-2000-də 54, Afina-2004-də 56 kiloqram çəkidə çempion olub. Ardıcıl dördüncü Olimpiadada çıxış etməyi planlaşdıran türkiyəli idmançı məşqlərinin birində çəki problemi ilə üzləşib. Çəkisini saxlaya bilməyən X.Mutlu bundan sonra Pekində də qələbə qazana bilməyəcəyini anlayıb və çıxış etməkdən imtina etməyi daha məqsədəuyğun sayıb.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb