Bakı. Aqşin Əliyev - APA-Sport. Azərbaycan şahmatçısı Vüqar Həşimov Rusiyanın Poykovski şəhərində XII dünya çempionu Anatoli Karpovun şərəfinə həsr olunan beynəlxalq turnirdə ikinci oyununu keçirib. “APA-Sport” agentliyinin məlumatına görə, 22 yaşlı idmançı ağ fiqurlarla Rusiya təmsilçisi Ernesto İnarkiyevi sınağa çəkib. Tərəflər 28-ci gedişdə heç-heçəyə razılaşıblar. Ümumiyyətlə, ikinci turda bütün qarşılaşmalar bərabərliklə nəticələnib. Aleksey Şirov (İspaniya) - Dmitri Yakovenko (Rusiya), Sergey Rublyovski (Rusiya) - Emil Sutovski (İsrail), Andrey Volokitin (Ukrayna) - Viorel Baloqan (Moldova) və Aleksandr Onişuk (ABŞ) - Van Xao (Çin) görüşlərində şahmatçılardan heç biri qələbə qazana bilməyib. İki turdan sonra hesabında yarım xal olan V.Həşimov E.İnarkiyev və A.Volokitinlə birgə 8-10-cu yerləri bölüşdürür. Həmvətənimiz bu gün keçmiş bakılı E.Sutovskiyə qarşı mübarizə aparacaq. İyulun 17-dək davam edəcək yarış 9 turdan ibarətdir.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək