Azərbaycan güləşçiləri Rövşən Bayramovla Vitali Rəhimovun Pekin Olimpiadasında rəqibləri müəyyənləşib

11.08.2008 - 17:07

Pekin. Elşən Məmmədov – APA-Sport. Çinin paytaxtı Pekində keçirilən XXIX Yay Olimpiya Oyunları çərçivəsində sabah yunan-Roma güləşçilərinin mübarizəsinə start veriləcək. «APA-Sport» agentliyinin məlumatına görə, artıq yüngül çəkili pəhləvanlar arasında yarışların püşkü atılıb. Püşkə əsasən, 55 kq çəkidə yer alan Azərbaycan güləşçisi Rövşən Bayramov mübarizəyə 1/8 final mərhələsindən başlayacaq. İkiqat Avropa çempionumuzun rəqibi Mustafa Məhəmməd (Misir) olacaq. Digər Avropa çempionumuz Vitali Rəhimovun (60 kq) isə daha erkən - 1/16 final mərhələsindən etibarən güləşməyə başlayacaq. O, Çianq Şenqlə (Çin) qarşılaşacaq.