Peşəkar kikboksinq üzrə altıqat dünya çempionu, Türkiyədə kifayət qədər məşhur olan "Qəbələ" İdman Klubunu təmsil edən Pərviz Abdullayev növbəti qələbəsini qazanıb.

Apasport.az-ın məlumaıtna görə, 37 yaşlı "Kobra" ləqəbli idmançı Türkiyədə "Akın Fight Arena" turniri çərçivəsində keçirilən gecədə 66-cı peşəkar döyüşünə çıxıb.

85 kq çəki dərəcəsində baş tutan görüşdə onun rəqibi ABŞ təmsilçisi Omar Moreno olub. İdmançımız 2 dəfə rəqibini nokdauna salsa da, 27 yaşlı amerikalı kikboksçu özündə taqət taparaq döyüşü davam etdirib. Bununla belə, 3 raundun sonunda qalib elan olunan idmançı Pərviz Abdullayev olub. O döyüşdən sonra bu görüşün karyerasının son döyüşü ola biləcəyini istisna etməyib.

Həmçinin, döyüş gecəsində daha 2 azərbaycanlı idmançı yarışıb, lakin hər 2-si yerli kikboksçulara uduzub. Mübariz Ağamalıyev Rəcəp Doğana yenilib. 40 yaşlı Anar Süleymanov isə 2-ci dəfə qarşılaşdığı Tuncay Güvənə uduzub.

• Azərbaycan Türk Dövlətləri Təşkilatının Bişkekdəki idman toplantısında təmsil olunub
• İdman dırmanması üzrə Azərbaycan çempionatı keçiriləcək
• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib