"Qarabağ"ın əvəzedici komandasının baş məşqçisi müəyyənləşib.

Apasport.az xəbər verir ki, bu post Maksim Medvedevə tapşırılıb.

Rəhbərlik onun uzun müddət kluba göstərdiyi xidməti və son bir ildə U-14 komandasında məşqçi kimi fəaliyyətini nəzərə alaraq, əvəzedici komandanın baş məşqçisi vəzifəsinə təyin etmək qərarına gəlib.

Futbolçu karyerasını bütünlüklə “Qarabağ”a həsr edən 35 yaşlı mütəxəssis son bir ili U-14 komandasının məşqçisi kimi keçirib.

Qeyd edək ki, “Qarabağ” akademiyasının yetirməsi olan Maksim Medvedev 2006-2024-cü illərdə əsas komandanın formasını geyinib. O, “Qarabağ”ın heyətində ən çox oyun keçirən futbolçudur.

• Yeton Bekiri: “Digər vacib məqam isə…”
• Azərbaycan Kuboku: “Qəbələ”, “Zirə”, “Sumqayıt” və “Araz-Naxçıvan” növbəti mərhələdə - YENİLƏNİB
• Zaur İsmayılov: “İkinci hissədə bunun nəticəsini gördük”
• “Sumqayıt” - “Şəfa” matçının məkanı dəqiqləşib
• Bakıda Arsen Vengerin iştirakı ilə "ustad dərsi" təşkil olunub