Norveç Milli Olimpiya Komitəsinin prezidenti Borre Roqnlien martın 16-da Soçidə başlayacaq Paralimpiya oyunlarında iştirakdan imtina edilməsi variantını nəzərdən keçirdiklərini açıqlayıb. Apasport.az saytının məlumatına görə, Roqnilen bunu Krımdakı qeyri-stabil vəziyyətlə bağlasa da, məsələnin siyasi tərəfinə də toxunub.

Norveç MOK prezidenti bildirib ki, Krım yarımadası Qara dəniz sahilində olduğundan, narahatdırlar: “Soçi də Qara dəniz sahilindədir. Hazırda xüsusi xidmət orqanlarından məlumat almışıq ki, Soçidə vəziyyət Olimpiadada olduğu kimidir. Amma Krımdakı vəziyyətin gərginləşməsinin bizi narahat etdiyi başadüşüləndir. Biz baş verənləri günbəgün izləməliyik”.

Roqnilen Norveç paralimpiyaçılarının evdə qalmaq məcburiyyəti ilə qarşılaşmayacaqlarına ümid etdiyini söyləyib: “Amma istisna da deyil. Biz başqa ölkələrin nə edəcəyini də qiymətləndirməliyik. Əgər bir çox ölkələr iştirakdan imtina etsələr, vəziyyət siyasi çalar ala bilər”.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı