Qəbələdə atıcılıq üzrə Dünya Kuboku yarışları davam edir. Apasport.az saytının məlumatına görə, bu gün daha bir növdə mükafatçılar müəyyənləşib.

Kişilər dabl-trap növündə dəqiqliklərini yoxlayıblar. Yekunda ABŞ-lı Uolton Eller və böyük britaniyalı Stiven Skott finala adlayıblar. Həlledici görüşdə rəqibi üzərində 30:26 hesablı qələbə qazanan Eller qızıl medal qazanıb. Skott isə aktivinə gümüş medal yazdırıb. Hər iki idmançı gələn il keçiriləcək Rio Olimpiadasına lisenziya qazanıb.

3-cü yer uğrunda yarışda Mixael Qoldbrunnerə (Almaniya) çətinliklə (30:29) qalib gələn Vasili Mosin (Rusiya) isə Dünya Kubokunu bürünc mükafatla tamamlayıb.

Qeyd edək ki, bu, ABŞ yığmasının Qəbələdə qazandığı ikinci qızıl medal olub. Bundan əvvəl Vinsent Hançuk kişilərin skit növündə fəxri kürsünün ən yüksək pilləsinə qalxmışdı.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib