Beynəlxalq Cüdo Federasiyası yeni reytinq cədvəlini açıqlayıb. Apasport.az saytının məlumatına görə, siyahını Azərbaycan yığmasının liderləri üçün uğurlu saymaq olar.

Son aylarla müqayisədə idmançılarımızdan geriləyən olmayıb. Belə ki, yeni cədvəldə yenə 4 cüdoçumuz ilk “onluqda”dı. Onlardan Rüstəm Orucovla (73 kq) Elmar Qasımov (100 kq) bütün rəqiblərindən üstündü və ilk pillədəki yerlərini qoruyublar. Orxan Səfərovun (60 kq) 3-cü olduğu siyahıda Nicat Şıxəlizadə (66 kq) 9-cu yeri tutur.

Digər aparıcı cüdoçularımıza gəlincə, İlqar Müşkiyev (60 kq) 26-cı, Tərlan Kərimov (66 kq) 36-cı, Elxan Məmmədov (100 kq) 24-cü, Uşqanqi Kokauri (+100) 40-cı və Kifayət Qasımova (57 kq) 62-ci pillədə qərar tutub.

Qeyd edək ki, cüdo idman növündə Olimpiadaya lisenziya reytinq xalına əsasən verilir.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib