Qəbələdə keçirilən stend və güllə atıcılığı üzrə Dünya kubokunda qadınların hava tapançası ilə 10 metrdən atəş açma yarışlarına yekun vurulub. Apasport.az saytının məlumatına görə, yarışın qalibi adına Zorana Arunoviç layiq görülüb.

İki ay əvvəl Bakıda Avropa Oyunlarının qalibi olan serbiyalı atıcı 199 xal toplayıb. Bu medal Serbiya yığmasının Qəbələdə ilk mükafatı olub. O, həlledici atəşdə çinli Yuemey Lini 1,3 xal qabaqlayıb.

Taypeyli Çia Çen Tien 177,3 xal toplayıb. Asiyalının həlledici mərhələyə çıxması üüçn 0,1 xal kifayət etməyib.

Azərbaycan atıcıları yarışı təsnifat mərhələsində başa vurub. Nigar Nəsirova 377 xalla 33-cü, Zərifə Qasımova 370 xalla 82-ci, Nəzrin Abbaslı 364 xalla 95-ci olub.

Qeyd edək ki, bu növdə 102 idmançı qüvvəsini sınayıb.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib