Bu gün FİBA Çempionlar Kubokunda iştirak edən qadınlardan ibarət 3x3 millimiz B qrupunda ikinci oyununu keçirib.

Apasport.az xəbər verir ki, qızlarımız ev sahibi Tailand komandası ilə üz-üzə gəlib.

Təmsilçimiz rəqibini 21:8 hesabı ilə məğlub etməyi bacarıb. Millimizin qrupda sonuncu oyunu sabah Bakı vaxtı ilə saat 12:30-da İspaniya yığmasına qarşı olacaq.

Xatırladaq ki, yığmamız ilk görüşdə Kanadaya 10:16 hesabı ilə uduzub.

Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci il Yay Olimpiya Oyunlarına vəsiqə verən Olimpiya Təsnifat turnirində iştirak hüququ qazanacaq

• ABŞ-li basketbolçudan tarixi göstərici
• XIX turun oyun cədvəli açıqlanıb
• “Sumqayıt”ın basketbolçusu: "Bütün bunları komanda üçün edirəm"
• “Sərhədçi”dən çətin qələbə
• Millilərimiz Türkiyədə 13 yoldaşlıq görüşü keçirib