Avropa Liqasının Liqa mərhələsinin III turunda “Qarabağ”ın rəqibi olan “Ayaks” Bakıya bu gün gələcək.

Apasport.az xəbər verir ki, avrokubok iştirakçıları səfər matçlarına adətən bir gün əvvəl yollansa da, Niderland klubu fərqli addım atıb.

Bunu komandanın baş məşqçisi Françesko Farioli istəyib. Mütəxəssis iki səbəbi əsas gətirərək Azərbaycana görüşdən iki gün əvvəl gəlməyi məqsədəuyğun sayıb. “Ayaks”ın baş məşqçisi ümumilikdə 7 saatlıq səfəri və Amsterdamla Bakı vaxtı arasındakı fərqi nəzərə alıb. Belə ki, hazırda iki şəhər arasında 2 saatlıq fərq var və futbolçular da buna uyğunlaşmalıdır.

Qeyd edək ki, “Qarabağ” – “Ayaks” matçı oktyabrın 24-də keçiriləcək. Tofiq Bəhramov adına Respublika stadionundakı qarşılaşma saat 20:45-də başlayacaq.

• Konfrans Liqası: “Çelsi” və “Betis” yarımfinalda - YENİLƏNİB
• ÇL: Həftənin ən yaxşı futbolçusu adına namizədlər açıqlanıb
• Çempionlar Liqası: “Arsenal” və “İnter” yarımfinalda - YENİLƏNİB
• Çempionlar Liqası əvəzinə Avropa Liqasının himni səsləndirildi - VİDEO
• ÇL: Ev sahibləri qalib gəldi, qonaqlar mərhələ adladı - YENİLƏNİB