Stolüstü tennis üzrə Azərbaycan çempionatına yekun vurulub.

Apasport.az xəbər verir ki, “Şüa” İdman Kompleksində keçirilən turnirin son günündə şəxsi, qoşa və qarışıq-qoşa yarışında qaliblər müəyyənləşib.

Şəxsi yarışlar Onur Quluzadə və Mərziyyə Nurmətovanın qələbəsi ilə başa catıb.

Kişilərin qoşa mübarizəsində Vəzir Allahverdiyevlə Onur Quluzadə, qadınlarda Mərziyyə Nurmətova ilə Aylin Əsgərova bütün rəqiblərini üstələyib.

Qarışıq qoşada isə Vəzir Allahverdiyevlə Zemfira Mikayılova Azərbaycan çempionu adına sahib çıxıb.

Xatırladaq ki, turnirin ilk günlərində keçirilən komandaların mübarizəsi kişilərdə “Bakı-1”in, qadınların yarışı isə “Sumqayıt-1” kollektivinin qələbəsi ilə nəticələnib. Qaliblərə Gənclər və İdman Nazirliyinin diplom, medalları, həmçinin, ASTF-nin mükafatları təqdim olunub.

• Veteran tennisçilərin Azərbaycan çempionatı başa çatıb
• Veteran stolüstü tennisçilərin Azərbaycan çempionatı keçirilir
• Təmsilçimiz İsveçdə keçiriləcək beynəlxalq yarışda iştirak edəcək
• Stolüstü tennisçilər Avrasiya Liqasında liderliyə yüksəliblər
• Stolüstü tennisçilər Özbəkistandan 7 mükafatla qayıdırlar - FOTO