- Azarkeşlərimizə təşəkkür edirəm. Maraqlı oyun alındı. Qolumuzu vurub müdafiəyə çəkildik, əks-hücumda oynamağa çalışdıq. İstədiyimiz nəticəni qazandıq.
- İddialı komandalarla oyunlarda "Kəpəz" daha yaxşı çıxış edir. Bunun səbəbi nədir?
- Futbolçuların üzərində böyük təzyiq var. Bunu özümüz də hiss edirik. Turnir cədvəlində bizə yaxın olan komandalarla oyunlarda məsuliyyətimiz daha çox olur. İtirməkdən qorxursan. Amma belə matçlarda itirməkdən qorxmursan, daha rahat olursan. Psixoloji cəhətdən söhbətlər etməliyik.
- "Səbail"lə xal fərqi 7 oldu. Artıq Premyer Liqada qalmağı təmin etdiyinizi demək olar?
- Yox. Hələ qarşıda 7 tur var. Döyüş davam edir. Axıra qədər mübarizə aparmaq lazımdır.
- Belə iddialar var ki, yeni rəhbərlik növbəti mövsümə başqa məşqçi ilə başlayacaq. Bu xəbərlərin reallığı nə qədərdir?
- Bu, mənim cavablandıracağım sual deyil. Mənim missiyam var. Bir məşqçi olaraq bu missiyanın öhdəsindən gəlməliyəm. Digər məsələləri danışmaq ikinci növbədədir. Rəhbərliklə danışıqlarda müsbət fikirlər var. İnanıram ki, gələn mövsüm daha yaxşı "Kəpəz" görəcəyik.
Oxşar xəbərlər
Ana səhifə
Bütün xəbərlər