“Qarabağ”ın futbolçusu Kadi Borqes avrokuboklarda cəzalı duruma düşüb.

Apasport.az saytının məlumatına görə, buna səbəb braziliyalı futbolçunun Çempionlar Liqasının cari mövsümündə 3-cü sarı vərəqə alması olub.

I təsnifat mərhələsində “Lex”lə Bakıdakı cavab matçında sarı vərəqə alan yarımmüdafiəçi II raundda “Sürix”lə həm ilk, həm də cavab qarşılaşmasında eyni halla üzləşib. Bu da onun cəzalı duruma düşməsi ilə nəticələnib.

Azərbaycan çempionu Çempionlar Liqasında mübarizəni davam etdirsə və ya Avropa Liqasına göndərilsə, növbəti mərhələnin ilk görüşünü buraxmalı olacaq.

Qeyd edək ki, hazırda ikinci hissəsi gedən “Sürix” - “Qarabağ” oyununda hesab 1:1-dir. Ağdamlıların qoluna məhz Kadi Borqes imza atıb.
 

• Zaur Bayramov: "Məqsədimiz sağlam həyat tərzinin təbliği və idmanın kütləviləşməsidir"
• Azərbaycan Kuboku tarixində yalnız üç komanda titula yiyələndiyi mövsümdə bütün oyunlarda qələbə qazanıb
• Azərbaycan millisinin yekun heyəti açıqlanıb
• "Neftçi"də ciddi itkilər - "Sabah"la görüşü buraxacaqlar
• Slovakiya yığması Azərbaycana baş məşqçisiz gəlir