Millətlər Liqasının başa çatan iyun pəncərəsində dörd turun görüşləri keçirilib.

Apasport.az saytının məlumatına görə, 4 liqada və 14 qrupda mübarizə aparan qitənin 54 yığması ümumilikdə 103 matç keçirib.

Bu qarşılaşmalardan 45-də hər iki komanda qol vurub. Yəni bu qarşılaşmalar Q/Q ilə nəticələnib.

Altı komanda keçirdiyi bütün oyunlarda belə hesabla üzləşib. Onlardan üçü 4 matça çıxıb. Almaniya, Niderland və Uels dörd dəfə Q/Q görüb.

İslandiya və İsrailin hər üç, Albaniyanın hər iki qarşılaşmasında tərəflər qol sevinci yaşayıb.

Beş yığma isə Q/Q həsrətindədir.  Onlardan biri Azərbaycan millisidir. Yığmamızın oyunlarında qol vuran olursa, qələbə qazanır.

Canni de Byazinin yetirmələri Qazaxıstan (0:2) və Slovakiyaya (0:1) uduzub, Belarusdan (0:0, 2:0) dörd xal alıb.

Millimiz kimi Türkiyə, Rumıniya və Yunanıstan da 4 oyuna çıxsa da, Q/Q ilə rastlaşmayıb. San-Marinonun hər üç qarşılaşması da belə bitib.

• Erməni futbolçu "Qalatasaray"dan imtina etdi
• Azərbaycan Karate Federasiyasının rəhbərliyi millinin üzvləri və məşqçilərlə görüş keçirib
• Dünya reytinqi – Azərbaycan klubları kənarda
• Zlatko Daliç: "Əsas favoriti sıradan çıxardıq"
• Azərbaycan və San-Marino millilərinin ortaq şakəri, Niderland əks qütbdə