“Qarabağ” avrokubokların əsas mərhələlərində 10-cu qələbəsini qazanıb.

Apasport.az saytının məlumatına görə, bu, Avropa Liqasının qrup mərhələsinin II turuna təsadüf edib.

Qurban Qurbanovun yetirmələri Fransa “Nant”ını 3:0 hesabı ilə darmadağın edib. Bu, təkcə Ağdam klubu deyil, Azərbaycan klublarının ümumilikdə də 10-cu qələbəsi olub.

Təsnifat mərhələləri nəzərə alınmamaqla 70-ci matça çıxan Azərbaycan klubları bu müddətdə 17 heç-heçə edib və 43 dəfə uduzub. 56 qol vuran komandalarımız 123 top buraxıb.

Qeyd edək ki, avrokubokların əsas mərhələlərində “Qarabağ” 52, “Qəbələ” 12, “Neftçi” 6 matç keçirib.

• “Turan Tovuz”un kapitanı: "İstəyərik ki, mükafatçılar sırasına düşək" - Müsahibə
• Hansı oyun, hansı kanalda? - TV AFİŞA
• "Qarabağ"ın 3 futbolçusu Avropa Liqasında həftənin rəmzi heyətində
• Baxşıyev Yunanıstanda jurnalistlərin suallarını cavablandıracaq
• Təbriz Həsənov: "Azərbaycan Kubokunun sahibi elə "Qarabağ" olacaq" - Müsahibə