“Milan”ın hücumçusu Rafael Leao uğrunda mübarizəyə “Mançester Yunayted” də qoşulub.

Apasport.az saytının məlumatına görə, bir müddətdir Portuqaliya millisinin üzvü ilə maraqlanan Premyer Liqa təmsilçisi artıq rəsmi danışığa başlayıb.

Ancaq bu, “qırmızı şeytanlar” üçün heç də asan olmayacaq. Çünki 23 yaşlı forvard “Çelsi” və PSJ-nin də maraq dairəsindədir. Üstəlik, bu klublar keçidin reallaşması üçün 150 milyon avro ödəməyə hazırdır.

Qeyd edək ki, Rafael Leao “Milan”a 2019-cu ildə 29,5 milyon avro qarşılığında “Lill”dən keçib. Onun “rossonyerlər”lə müqaviləsi 2024-cü ilin yayına qədərdir.

• Mərakeş millisi Misiri darmadağın edərək olimpiya 3-cüsü olub
• "Liverpul"un ilk transferi Rabio ola bilər
• Yuzuf Yazıcının Fransada başına gəlməyən qalmadı - FOTO
• Üzgüçülük üzrə ölkə çempionatının növbəti qalibləri bəlli olub
• Millimizin üzvü: "Bura birinci yeri tutmaq və mərhələ adlamaq üçün gəlmişdik"