Argentina Futbol Federasiyasının (AFA) prezidenti Çiki Tapia baş məşqçi Lionel Skaloninin uzun müddət postunda qalacağını açıqlayıb.

Apasport.az saytının məlumatına görə, Yamayka ilə keçirilən yoldaşlıq görüşündən (3:0) sonra çalışdırıcının yeni müqaviləyə qol çəkdiyi bildirilib.

Tapia tvitter səhifəsi vasitəsilə 44 yaşlı mütəxəssisin daha 4 il milliyə rəhbərlik edəcəyini yazıb: “Qürur duyuram ki, Lionel Skaloni ilə 2026-cı ildə keçiriləcək dünya çempionatına qədər Argentina yığmasının baş məşqçisi postunda qalması ilə bağlı razılığa gəldik”.

Qeyd edək ki, Skaloni 2018-ci ilin avqustundan Argentina millisini çalışdırır. Onun rəhbərliyi altında komanda ötən il Amerika Kubokunun qalibi olub.
 

• Abdullah Zubir: "Pley-off mərhələsinə vəsiqə qazanmağa şansımız var" - Müsahibə
• “İmişli”nin futbolçusu əməliyyat olunub
• "Sumqayıt" Türkiyə klubunu məğlub edib
• Azərbaycan Karate Federasiyasının rəhbərliyi millinin üzvləri və məşqçilərlə görüş keçirib
• Mehdi Hüseynzadə adına stadionun açılış matçında Hiss və Murad Arif çıxış edəcək