Qadın voleybolçular arasında Azərbaycan çempionatında növbəti oyunlar fevralın 6-da keçiriləcək.

Apasport.az xəbər verir ki, ölkə çempionatında 12-ci turun qarşılaşmaları Bakı və Gəncə şəhərlərində baş tutacaq.

Ev oyunlarını Gəncə OİK-də keçirən “Gəncə” klubunun bu dəfəki qonağı “Azərreyl” olacaq. Oyun saat 16:00-da başlayacaq.

Həmin gün Bakıda ilk matç GİN-nin Voleybol Mərkəzində təşkil olunacaq. Saat 16:00-da start götürəcək oyunda “Murov Az Terminal” və “Milli Aviasiya Akademiyası” komandaları üz-üzə gələcəklər.

Növbəti qarşılaşma isə saat 18:00-da UNEC-in idman zalında “Abşeron” və UNEC komandaları arasında olacaq.

Qeyd edək ki, “Murov Az Terminal” və “Milli Aviasiya Akademiyası” matçı “CBC Sport” kanalı vasitəsilə canlı yayımlanacaq.

6 fevral

Yüksək Liqa (qadınlar)

XII tur

16:00. “Gəncə” - “Azərreyl” (GƏNCƏ OİK)

16:00. “Murov Az Terminal” - “Milli Aviasiya Akademiyası” (GİN-nin Voleybol Mərkəzi)

18:00. “Abşeron” - UNEC (UNEC VK-nın İdman zalı)

• "Barselona"nın iki futbolçusu İspaniya yığmasından kənarlaşdırılıb
• Messi 3 oyunluq fasilədən sonra meydana qayıtdı, fərqləndi
• Azərbaycan kuboku: Finalın oyunöncəsi mətbuat konfranslarının vaxtı müəyyənləşib
• Suarez ardıcıl 5 oyundur "İnter Mayami"də fərqlənir
• Finala doğru: “Qarabağ” – “Sabah”: 30-cu duel