AFFA-nın təşkilatçılığı ilə 15-16 mart tarixlərində Lənkəranda 14 yaşadək qız şagirdlər arasında “Qızlar Futzal Kuboku” layihəsi keçiriləcək.

Apasport.az xəbər verir ki, Lənkəran Olimpiya İdman Kompleksində təşkil olunacaq turnirin ilk günündə 8 məktəbin iştirakı ilə qrup oyunları, növbəti gün isə pley-off mərhələsinin qarşılaşmaları baş tutacaq.

İştirakçı komandalar idman geyimi, top və gödəkçələrlə təmin olunacaq. Tədbirin son günü qaliblər diplom, medallar və müxtəlif nominasiyalar üzrə mükafatlandırılacaq.

Qeyd edək ki, UEFA-nın dəstəyi ilə təşkil ediləcək “Qızlar Futzal Kuboku”nun ümumilikdə 4 regionda keçirilməsi planlaşdırılır. Layihənin əsas məqsədi orta məktəb şagirdləri arasında sağlam həyat tərzinin düzgün şəkildə təbliği, futbola marağın artırılması, kütləviliyin təmin olunması, həmçinin gələcəkdə AFFA U-15 Qızlar Liqasına və milli komandalara futbolçuların hazırlanmasıdır.

• Donnarumma 2025-ci ilin ən yaxşı qapıçısı seçildi
• Turin derbisində qalib müəyyənləşmədi, "Milan"dan xal itkisi
• "Sabah"ın yeni baş məşqçisi: "Güclü rəqiblərlə oynamaq istəyirəm"
• "Fənərbaxça" da yoldaşlıq görüşünü qələbə ilə başa vurub
• Rafael Fiziyevin rəqibi: "Azarkeşlərə üç raunddan ibarət şou göstərmək istəyirəm"