Lissabonun "Sportinq" komandası UEFA Çempionlar Liqasının ümumi mərhələsinin VII turunda sensasiyaya imza atıb.

Apasport.az xəbər verir ki, Portuqaliya çempionu doğma meydanda PSJ-ni 2:1 hesabı ilə məğlub edib. “Şirlər”in heyətində Luis Suares 74-cü və 90-cı dəqiqələrdə fərqlənərək qələbənin memarı olub. Paris təmsilçisinin yeganə qolunu isə 79-cu dəqiqədə Xviça Kvaratsxeliya vurub.

“Opta”nın məlumatına görə, bu nəticə PSJ üçün tarixi məğlubiyyət kimi qeydə alınıb. Belə ki, Fransa klubu 2013-cü ilin dekabrından bəri ilk dəfə Avropanın TOP-5 liqasına daxil olmayan bir komandaya Çempionlar Liqasında uduzub. Həmin vaxt parislilər digər Portuqaliya təmsilçisi "Benfika"ya eyni hesabla (1:2) məğlub olmuşdular.

Qeyd edək ki, PSJ-nin Çempionlar Liqasındakı 32 oyunluq məğlubiyyətsiz seriyası bu görüşlə başa çatıb. Son turun öncəsində həm “Sportinq”, həm də PSJ 13 xalla turnir cədvəlində eyni göstəriciyə malikdir.

• “Mançester Yunayted” Farioli variantını nəzərdən keçirir
• "Qalatasaray"la "Yuventus" arasında Osimhen savaşı – 65 milyonluq transfer
• Zədəli futbolçular üçün son sınaq: Duran və Ederson "Ştutqart" matçında oynaya bilər
• Toral Bayramov Premyer Liqada 25-ci qolunu vurub
• Taekvondoçularımız Qazaxıstan və Özbəkistanda 6 medal qazanıblar