Rumıniyada gənc boksçular arasında “Drakula Open” beynəlxalq turniri davam edir.

Apasport.az xəbər verir ki, yarışın dördüncü günündə Azərbaycan millisinin daha 2 idmançısı qələbə qazanıb.

Boksçularımızdan Nihat Qasımov (51 kq) 1/8 finalda Kristian Serbanı (Rumıniya) sınağa çəkib. Görüş təmsilçimizin 5:0 (29:27, 29:27, 30:26, 30:26, 30:26) hesablı qələbəsi ilə başa çatıb. Qasımov 1/4 finalda ilk mərhələdən azad olan Maksim Maşevki (Ukrayna) ilə üz-üzə gələcək.

Zidan Hümbətov (54 kq) da turnirə qələbə ilə start verib. O, rumıniyalı Emzar Qransianı ilk raundda tam üstünlüklə məğlub edib. Hümbətov 1/4 finalda Roman Spakla (Moldova) qarşılaşacaq.

Qeyd edək ki, “Drakula Open”də final döyüşləri fevralın 23-də olacaq.

• Dünya Kubokunun seçmə mərhələ oyunları Bakıda baş tutacaq
• “Fənərbaxça” “Viktoriya Plzen”lə qarşılaşmanın hakimi ilə bağlı UEFA-ya müraciət edib
• Artetanın köməkçisi Seriya A klubunu çalışdıra bilər
• "Fənərbaxça" Şkrinyarla danışıqları davam etdirir
• Ceyhun Sultanov: "Hələlik bu, "Qarabağ" üçün uğurlu yoldur"