Azərbaycan Cüdo Federasiyasının (ACF) təşkilatçılığı ilə iyunun 21-də Bakıda kəmər dərəcələri üzrə rəsmi imtahan təşkil ediləcək.

Apasport.az xəbər verir ki, milli komandaların Təlim-Məşq Mərkəzində (ACF-nin inzibati binası) gerçəkləşəcək imtahanın 7 yaşdan yuxarı cüdo ilə məşğul olan hamı üçün açıq olduğu bildirilib.

Kəmər seçimi müvafiq yaş uyğunluğuna əsasən aparılacaq. İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.

Qeyd edək ki, kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.

• İngiltərə nəhəngi Kenan Yıldız üçün 100 milyon ödəməyə hazırdır
• Sənan Abdullayev: "Bu bizim üçün də, qarşı tərəf üçün də önəmlidir"
• "İnter"in qapıçısı "Barselona" ilə oyunun ən yaxşısı seçilib - VİDEO
• Vadim Abdullayev "Araz-Naxçıvan"dan getdi
• Azərbaycan millisi dünya çempionatında mübarizəni dayandırdı