"Qalatasaray" "Atalanta"nın hücumçusu Ademola Lookman üçün qış transfer pəncərəsində yenidən hərəkətə keçməyə hazırlaşır.

Apasport.az türkiyəli insayder Yağız Sabuncuoğluna istinadla xəbər verir ki, yayda aparılan danışıqlar müsbət nəticələnməsə də, İstanbul klubu transferdə israrlıdır. 

Yay transfer dönəmində Lookmanla maraqlanan "Qalatasaray" futbolçunu heyətinə qatmağa yaxınlaşmışdı. Lakin Barış Alper Yılmazın komandada saxlanılması və "Atalanta"nın icarə variantına qəti şəkildə qarşı çıxması transferin baş tutmasına mane olmuşdu.

"Sarı-qırmızılılar" qışda "Atalanta" ilə yeni şərtlər əsasında masaya oturmağı planlaşdırır. Klubun skaut və idarə heyətinin Lookmanı “prioritet hədəf” kimi dəyərləndirdiyi bildirilir.

• Şahmat Federasiyasının İcraiyyə Komitəsinin iclası keçirilib
• "Çelsi" Bundesliqadan futbolçu transfer edir
• “Tottenhem” Pablo Barrios üçün 80 milyon avroluq təklif hazırlayıb
• Mourinyo cəzalandırılmadı, "Qalatasaray"ın qapıçısı isə..
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB