Azərbaycan millisinin hücumçusu Mahir Emrelinin yeni komandası “Dinamo” Avropa Liqasında pley-off mərhələsinin ilk oyununu keçirib.

Apasport.az saytının məlumatına görə, Zaqreb klubu İspaniyada “Sevilya”nın qonağı olub.

Xorvatiya klubunun matçında ilk dəfə “23-lüy”ə salınan Mahir 58-ci dəqiqədə meydanda daxil olaraq, “Dinamo”nun heyətində debüt edib. Həmyerlimiz oyuna qoşulanda komandası hesabda artıq 1:3 geridə idi. Qarşılaşma elə bu hesabla da başa çatıb.

“Dinamo”nun heyətində yeganə qola 41-ci dəqiqədə Mislav Orsiç imza atıb. Ev sahiblərində isə xorvatiyalı İvan Rakitiç 13-cü dəqiqədə hesabı açmaqla həmyerlilərini cəzalandırıb. “Sevilya”nın digər qollarının müəllifi Lukas Okampos (44) və Antoni Marsyal (45+1) olub.

Bu komandalar arasında cavab oyunu fevralın 24-də Zaqrebdə keçiriləcək.
 

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA