“Arsenal”, “Mançester Siti” və Fransa millisinin sabiq sol cinah müdafiəçisi Qayel Klişi Fransanın “Kan” klubunun baş məşqçisi təyin olunub.

Apasport.az xəbər verir ki, bu barədə klubun mətbuat xidməti məlumat yayıb.

Normandiyanın eyniadlı şəhərini təmsil edən klubun sahibi Madrid “Real”ının ulduzu Kilian Mbappenin ailəsidir.

Klişi daha əvvəl Fransa gənclər və olimpiya yığmalarında Tyerri Anrinin köməkçisi kimi çalışıb, həmçinin Türkiyənin “Başakşehir” və İsveçrənin “Servett” klublarında oynayan-məşqçi olub.

“Kan” hazırda Fransanın səviyyəcə üçüncü liqasında turnir cədvəlinin 10-cu pilləsində qərarlaşıb.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA