“Çelsi” azarkeşlərini məyus etməkdə davam edir.

Apasport.az xəbər verir ki, “zadəganlar” İngiltərə Premyer Liqasının XXXII turu çərçivəsində öz meydanında “Mançester Siti”yə 0:3 hesabı ilə məğlub olub.

Komanda daxili çempionatda ardıcıl üçüncü dəfədir ki, matçı qol vurmadan başa vurur və məğlub olur. Bu göstərici sonuncu dəfə 1997–98 mövsümündə qeydə alınıb – həmin vaxt komanda ardıcıl 4 qarşılaşmada qol vurmadan uduzmuşdu.

Həmçinin London təmsilçisi Premyer Liqada keçirdiyi son 7 oyunda cəmi 1 qələbə qazanıb. Bu görüşlərin 4-də məğlub olan klub, qalan 2 matçda isə heç-heçə edib.

Qeyd edək ki, “Çelsi” hazırda 48 xalla turnir cədvəlinin 6-cı pilləsində qərarlaşıb. Komandanı 12-ci sıradakı “Fulhem”dən cəmi 3 xal ayırır.

• Qordon “Arsenal”ın hədəfində
• “Bavariya”dan yeni rekord
• Bundesliqa tarixində ilk
• Türkiyədə transfer bombası: SANEDƏN SONRA MANE DƏ GƏLİR
• Günün canlı yayımlanacaq matçları - TV AFİŞA