"Fənərbaxça" transfer pəncərəsinin bağlanmasına bir neçə gün qalmış hücum xəttini gücləndirmək istəyir. 

Apasport.az xəbər verir ki, İstanbul təmsilçisi "Partizan"ın forvardı Mateus Saldanyanın keçidini tamamlamaqda israrlıdır.

Türkiyə klubu 24 yaşlı futbolçu üçün təklifini növbəti dəfə artırmağa hazırlaşır. Daha əvvəl 6 milyon, sonra 8 milyon avroluq təklifi rədd edilən "Fənərbaxça" Serbiya klubuna 12 milyon avroluq təkliflə müraciət edəcək.

Qeyd edək ki, Mateus Saldanya 2022/2023 mövsümünün ikinci yarısını icarə əsasında "Neftçi"də keçirib. "Sambaçı" Azərbaycan təmsilçisinin heyətində meydana çıxdığı 20 rəsmi matçda 5 qol və 1 məhsuldar ötürmə ilə yadda qalıb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər