Türkiyə kubokunun 1/4 final mərhələsində "Fənərbaxça" öz meydanında "Qalatasaray"a 1:2 hesabı ilə məğlub olub.

Apasport.az xəbər verir ki, oyundan sonra baş verən mübahisələrə görə "sarı-lacivərdlilər"in baş məşqçisi Joze Mourinyo, oyunçuları - Fred, Mert Hakan Yandaş və texniki heyətdən Zufic və Foti qırmızı vərəqə ilə cəzalandırılmışdı.

Mourinyo və Mert Hakan Yandaş intizam qaydalarının 44-cü maddəsinə, Foti və Fred 41-ci maddəyə, Zufic isə 36-cı maddəyə əsasən Nizam-İntizam Komitəsinə (PFDK) verilib.

Futbol İntizam Qaydalarının 44-cü maddəsinə əsasən Mourinyonun, Mert Hakan Yandaşın 5-10 oyun, Fred və Fotinin 2-5 oyun, Zuficin isə 1-3 oyun cəza alacağı gözlənilir.

Buna görə Mourinyo, Fred, Mert Hakan Yandaş, Zufic və Foti bazar günü "Trabzonspor"la keçiriləcək derbidə ehtiyat oyunçular skamyasında yer ala bilməyəcək.

• UEFA “Real”ın futbolçularını cərimələdi
• Qvardiola: “De Bruynenin heykəli qoyulmalıdır”
• "Bizə əxlaq dərsi verməyə çalışanlar..." - "Qalatasaray"dan "Fənərbaxça"ya sərt mesaj
• İngiltərədə ayın ən yaxşı baş məşqçisi açıqlanıb
• Premyer Liqada ayın oyunçusu müəyyənləşdi