"Qalatasaray" Türkiyə kubokunun 1/4 final mərhələsində "Fənərbaxça"nı 2:1 hesabı ilə məğlub edərək adını yarımfinala yazdırıb.
Apasport.az xəbər verir ki, Okan Burukun oyundan sonra keçirilən mətbuat konfransında bir sıra açıqlamalar verib:
“Fikrimcə, oyuna çox yaxşı başladıq. Həm vurduğumuz iki qol, həm də qaçırdığımız imkanlar var idi, birinci hissədə 3-4 qol vura bilərdik. Rəqibin qolunda ofsayd var idi. Bizdə kənardan matçı izləyirik. Bizim yorğunluğumuzun da təsiri ilə rəqib ikinci hissədə hücuma keçdi. Əgər hesabı 3:1 etsəydik, oyunu daha tez bitirə bilərdik. Futbolçularıma təşəkkür etmək istəyirəm. Rəqibə göstərdiyimiz təzyiq, mübarizəmiz çox yüksək səviyyədə idi".
Təcrübəli baş məşqçi bundan sonrakı hədəfin liqa olduğunu dilə gətirib: "Biz yenidən çempionata fokuslanmalıyıq. Bunu "Beşiktaş" oyununda nümayiş etdirə bilmədik, amma bu gün psixoloji baxımdan qalib gəlmək bizim üçün müsbət oldu".
Okan Buruk həmçinin Joze Mourinyo ilə aralarında yaşananlara da münasibət bildirib: “Onunla aramızda hər hansı bir şey baş vermədi. Mən hakimləri təbrik etdim, o da eyni şeyi etdi. Mən meydançanı tərk edərkən arxadan bir müdaxiləsi oldu. Burnumda bir cızıq əmələ gəldi. Çox da dilə gətirmək istəmirəm, amma bu xoş bir hərəkət deyildi. Oyundan əvvəl də, sonra da bir-birimizin əlini sıxmalı idik. Amma dediyim kimi, bunu çox da düşünmürəm".
Oxşar xəbərlər
Ana səhifə
Bütün xəbərlər