İngiltərə Premyer Liqası təmsilçilərindən “Mançester Siti”nin baş məşqçisi Pep Qvardiola jurnalistlərə bir sıra açıqlamalar verib.

Apasport.az xəbər verir ki, təcrübəli mütəxəssis Kevin De Bruynenin ayrılacağını 1 gün əvvəl öyrəndiyini və bu xəbərin onu çox kədərləndirdiyini dilə gətirib:

“Bu barədə nələrsə demək olduqca çətindir. Onun son 10 ildə bu klub üçün etdiklərini danışmağa ehtiyac yoxdur. Onsuz buranı təsəvvür etmək mümkün deyil. Bütün azarkeşlər onu klubun bir parçası kimi xatırlayacaq. O, komandanın ayrılmaz bir hissəsidir və elə də qalacaq. Kevin dünyanın ən yaxşı yarımmüdafiəçilərindən biridir. Onun burada - “Etihad”da heykəli qoyulmalıdır”.

Qeyd edək ki, Belçika millisinin üzvü mövsümün sonunda “şəhərlilər”i tərk edəcək.

• Premyer Liqa klubları “Yunayted”in müdafiəçisi ilə maraqlanır
• UEFA “Real”ın futbolçularını cərimələdi
• "Bizə əxlaq dərsi verməyə çalışanlar..." - "Qalatasaray"dan "Fənərbaxça"ya sərt mesaj
• İngiltərədə ayın ən yaxşı baş məşqçisi açıqlanıb
• Premyer Liqada ayın oyunçusu müəyyənləşdi