UFC prezidenti Dana Vayt yüngül çəkidə kəmər uğrunda baş tutacaq görüş barədə açıqlama verib.

Apasport.az xəbər verir ki, Vayt kəmər matçına çıxmadığı üçün narazı olan və buna etiraz edən Arman Tsarukyan haqda da danışıb.

"Kəmər matçında Pedi Pimlet və Castin Geyci döyüşəcək. Onların yerinə niyə Tsarukyana böyük oyunu vermədik? Buna çox da məyus olmadım. Yüngül çəkidə 1-ci yerdə olması vecimə belə deyil. Öz işiylə məşğul olsun".

Dana Vayt Armanın onu daha əvvəl pis vəziyyətdə qoyduğunu və UFC 311 gecəsini unutmadığını bildirib:

"Ona daha əvvəl bu şansı vermişdik. Amma o neylədi? Döyüşə 1 gün qalmış kürəyim ağrıyır deyib, UFC 311 üçün nəzərdə tutduğumuz görüşdən imtina etdi. Nəticədə Moikanonu razı saldıq və döyüşə 1 gün qalmış İslam Maxaçevlə rinqə çıxdı".

Qeyd edək ki, Arman Tsarukyan UFC yüngül çəki sıralamasında 1-ci yerdə olmasına baxmayaraq, çempionluq uğrunda kəmər matçı üçün nəzərdə tutulmayıb. Yanvarın 25-i UFC 324 kəmər döyüşü çərçivəsində rinqə çıxacaq Geyci 4, Pimlet 5-ci sıradadır. Son çempion İlia Topuriyanın çəkisini qaldırdıqdan sonra boşa çıxan kəmərin yeni sahibi məhz 2 döyüşçüdən biri olacaq.

• “Fənərbaxça” və “Samsunspor”un Avropa oyunlarını idarə edəcək hakimlər açıqlanıb
• Elçin Məsiyev UEFA Avropa Liqasının oyununa təyinat alıb
• Türkiyədə mərc qalmaqalı böyüyür: 22 hakim və 27 futbolçu PFDK-ya göndərilib
• “Fənərbaxça” şikayət etmişdi: UEFA "Qalatasaray"ın oyununa göndərdi
• Qarnaçodan "Yunayted"liləri qıcıqlandıran açıqlama: "Doğru an və doğru klub..."