“İtaliya bir dəfə dünya çempionatından kənarda qalanda yer yerindən oynayır. Bizim kimi, onlar da futbol sevdalısıdırlar”.

Apasport.az saytının məlumatına görə, bunu Türkiyə millisinin baş məşqçisi Şenol Günəş AVRO-2020-nin A qrupunun ilk turunda İtaliya ilə keçiriləcək oyun öncəsi mətbuat konfransında deyib.

Təcrübəli mütəxəssis Romadakı açılış matçında hədəflərinin meydanı müsbət ab-havada tərk etmək olduğunu söyləyib: “Futbolçularımdan qeyri-adi bir şey tələb etmirəm. Bəzən onlar da bizdən üstün olacaqlar. Əsas odur ki, görüş bitdiyi zaman aldığımız xalların sevincini yaşayaq. Heyətimizdə İtaliya çempionatında çıxış edən oyunçular var. Bu, onlar üçün üstünlükdür. Amma onlar da tək başına nəsə edə bilməzlər. Komanda şəklində oyuna hazırıq. Turnirə favorit qismində qatılmırıq, amma favoritlər sırasına düşməyi xəyal edirik. İlk hədəf qrupdan çıxmaqdır. İnşallah, İtaliya ilə finalda da qarşılaşarıq”.

Özlərini səfərdəki kimi hiss etdiklərini vurğulayan Günəş qrup mərhələsinin Uels (16 iyun) və İsveçrə (20 iyun) ilə Bakıda keçirəcəkləri matçlarında rəqiblərin bu atmosferdə olacaqlarını bildirib: “Bura gələnə qədər 4 dəfə hərarətimizi yoxladılar. Əsl səfər ab-havası yaşayırıq. Düşünürəm ki, Azərbaycanda da rəqiblər bizə qarşı özlərini səfərdə hiss edəcəklər”.

Qeyd edək ki, Türkiyə - İtaliya oyunu Bakı vaxtı ilə 23:00-da başlayacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”