AVRO-2020-nin açılış oyununda üz-üzə gələcək Türkiyə və İtaliya milliləri tarixdə 11-ci duelə çıxacaq.

Apasport.az saytının məlumatına görə, rəqiblər indiyədək 10 dəfə görüşüb.

Türkiyə millisi bu qarşılaşmalarda qələbə qazanmayıb. 3 heç-heçəsi olan “ay-ulduzlular” 7 dəfə uduzub. Top fərqi də italiyalıların xeyrinədir – 18-5.

Bu matçlardan üçü Avropa çempionatlarına təsadüf edib. Hər üç görüşdə qalib “Skuadra Adzurra” olub. AVRO-1964-ün ilkin mərhələsində 6:0 və 1:0, AVRO-2000-in final mərhələsində isə 2:1 hesabı qeydə alınıb.

Komandaların yolları DÇ-1974-ün seçmə mərhələsində də kəsişib. İtaliyalılar iki oyunda 4 xal toplayıb – 1:0, 0:0.

Digər 5 qarşılaşma yoldaşlıq görüşləri çərçivəsində keçirilib. 2 heç-heçəyə imza atan Türkiyə 3 dəfə məğlub olub. İtaliyalılar 8, türkiyəlilər 4 dəfə fərqlənib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”