Azərbaycan cüdoçuları Tokio-2020 Yay Olimpiya Oyunlarında mübarizəyə start götürüb.

Apasport.az saytının məlumatına görə, ilk gündə iki cüdoçumuz yarışıb.

60 kq çəki dərəcəsində çıxış edən Kəramət Hüseynov Olimpiadaya uğurlu başlanğıc edib. O, 1/16 final mərhələsində Eşli Makkenzieyə (Böyük Britaniya) qalib gəlib. Lakin dünya üçüncüsü 1/8 finalda Gürcüstan təmsilçisi Lukumi Tsxvimiani ilə bacarmayıb. Rəqibinə ipponla məğlub olan Hüseynov mübarizəni dayandırıb.

Qadın cüdoçumuz Aişə Qurbanlı da medalsız qalıb. 48 kq-da yarışan Qurbanlı 1/16 finalda portuqaliyalı Katarina Koştaya uduzaraq turnirlə vidalaşıb.

Qeyd edək ki, sabah daha bir cüdoçumuz Orxan Səfərov (66 kq) mübarizəyə qoşulacaq. Azərbaycan yığması tarixində ilk dəfə Olimpiadaya 9 cüdoçu ilə qatılıb.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib