“Turnirin vaxtı yaxınlaşdıqca virusla bağlı vəziyyətin dəyişəcəyinə nikbinəm”.

Apasport.az saytının məlumatına görə, bunu UEFA prezidenti Aleksander Çeferin AVRO-2020-nin 12 şəhərdə keçirilib-keçirilməyəcəyi ilə bağlı suala cavabında deyib.

Sloveniyalı futbol funksioneri planlarında hər hansı bir dəyişiklik olmadığını söyləyib: “Ev sahibi şəhərlərə və AVRO-2020-ni qəbul edən ölkələrin rəhbərliklərinə iyun-iyul aylarında nələrin gözləniləcəyinin dəqiq mənzərəsini formalaşdırmaq üçün mümkün qədər çox vaxt vermək vacibdir. Azarkeşlər futbolu xüsusi edir. Azarkeşləri stadionlara mümkün qədər tez qaytarmağın yollarını axtarmalıyıq”.

Qeyd edək ki, proqrama əsasən AVRO-2020-nin qrup mərhələsinin 3, 1/4 final mərhələsinin isə 1 oyunu Bakı Olimpiya Stadionunda keçiriləcək. Matçlara azarkeşlərin buraxılıb-buraxılmayacağına mart və ya apreldə qərar veriləcək.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”