Macarıstanda keçirilən su idman növləri üzrə Avropa çempionatında qadınların 10 metrlik qüllədən suyatullanma yarışı dramatik mübarizə ilə əlamətdar olub.

Apasport.az saytının məlumatına görə, qızıl medal uğrunda mübarizə aparan rusiyalı idmançılar dəfələrlə mövqelərini dəyişsə də, sonda Anna Konanıxinaya uduzan Yuliya Timoşinina ikinciliklə kifayətlənib.

23 yaşlı gümüş mükafatçı ailə ənənələrinin davamçısı hesab edilir. Onun atası Vladimir dünya üçüncüsü, Avropa çempionu, anası Svetlana ikiqat dünya mükafatçısı, üçqat Avropa çempionudur. Suyatullanmaya damğa vuran ailənin davamçısı dünya ikincisi və üçqat Avropa çempionu olsa da, bu dəfə həmyerlisinə uduzub.

Lakin Timoşinina təkcə idman uğurları ilə öyünmür. Gözəlliyi ilə də qəlbləri oxşayan suyatullanan paylaşdığı şəkilləri ilə də idmançıya xas bədən quruluşunu nümayiş etdirməkdən çəkinmir.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”