Tokio-2020 Yay Olimpiya Oyunlarında kişilər arasında futbol yarışlarına yekun vurulub.

Apasport.az saytının məlumatına görə, bu gün Braziliya ilə İspaniya final matçında üz-üzə gəlib.

Yokohamada baş tutan qarşılaşmanın 90 dəqiqəsində qalib müəyyənləşməyib. Cənubi amerikalılardan Mateus Kunya 45+2-ci dəqiqədə hesabı açıb, avropalılardan isə Mikel Oyarzabal 61-ci dəqiqədə bərabərlik qolunu vurub. Lakin Malkom 108-ci dəqiqədə vurduğu qolla Braziliya yığmasına 2:1 hesablı qələbə qazandırıb.

Bununla Olimpiadada 5-ci dəfə final oynayan “sambaçılar” ardıcıl 2-ci çempionluğunu qazanıb. Yeganə qızıl medalı 1992-ci ildə əldə edən ispanların isə 29 illik həsrəti davam edib. “Buğalar” 3-cü dəfə Olimpiadanın finalında məğlub olub.

Qeyd edək ki, dünən bürünc medal uğrunda matçda Meksika Yaponiyaya 3:1 hesabı ilə qalib gəlib.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib