Azərbaycan şahmatçısı Vasif Durarbəyli koronavirusa yoluxub.

Apasport.az-ın chess.az saytına istinadən məlumatına görə, təmsilçimiz İslandiyanın paytaxtı Reykyavikdə keçirilən kişi şahmatçılar arasında Avropa çempionatında xəstələnib.

Qrossmeysterimizin 4-cü tur ərəfəsindəki koronavirus testi müsbət nəticələnib. Bu səbəbdən də ilk üç oyunda 2 xal toplayan şahmatçımız yarışda mübarizəni dayandırıb. Son Azərbaycan çempionu, avqustun əvvəlində Rusiyada başa çatmış Dünya kubokunun 1/8 finalçısı olan şahmatçımız 14 günlük karantinə yerləşdirilib.

Qeyd edək ki, Vasifdən başqa, İngiltərə şahmatçısı Pein Malkolm və meydan sahibləri Stefan Berqssonla Torestin Leyfssoun da verdiyi analizlərin cavabı pozitiv olduğu üçün onlar da Avropa çempionatına erkən vidalaşıblar.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib