Azərbaycanın yunan-Roma güləşçisi Zaur Əliyev Avropa çempionu tituluna yiyələnib. 

Apasport.az saytının məlumatına görə, 55 kq çəki dərəcəsində mübarizə aparan idmançı Şimali Makedoniyanın paytaxtı Skopyedə 23 yaşadək güləşçilərin qitə birinciliyində bu uğura imza atıb.

O, finalda Adem Burak Uzuna (Türkiyə) qalib gəlib. Təmsilçimiz 3:3 hesabı ilə bitən görüşdə sonuncu xal prinsipinə əsasən çempion elan edilib. 

Nəticədə Avropa çempionatında yığmamızın qazandığı mükafatların sayı 8-ə çatıb. Əliyevədək sərbəst güləşçilərimizdən Cəbrayıl Hacıyev (70 kq) qızıl, Əliabbas Rzazadə (57 kq), Orxan Abasov (86 kq) və Osman Nurməhəmmədov (92 kq) gümüş, Zirəddin Bayramov (65 kq), İslam İlyasov (97 kq) və Vahid Qalayev (125 kq) bürünc medal qazanıb.

Yunan-Roma güləşçilərimizdən Həsrət Cəfərov (67 kq) isə sabah 3-cü yer uğrunda yarışacaq.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”