Azərbaycan çempionatında V turun oyunları sona çatdıqdan sonra iki şahmatçı - Vasif Durarbəyli və Murad İbrahimli 4 xalla çempionata liderlik edir. 

Apasport.az saytının məlumatına görə, hər iki şahmatçı bu turda qara fiqurlarla vacib qələbələr qazanıb. 

Əhmədzadə - Durarbəyli görüşündə ağlar səhvlər ardıcıllığı ilə cəmi 14 gedişdə məğlub olublar. Məmmədov - İbrahimli oyununda isə ağlar mittelşpildə plansız hərəkət edərək, qısa zamanda məğlubiyyətə aparan ağır vəziyyət düşüblər. Liderlərin digər cütlüyündə Qasımov - Süleymanlı oyunu heç-heçə ilə nəticələnib.

Qeyd edək ki, çempionatda I mərhələ İsveçrə sistemi üzrə 9 turdan ibarət olacaq. İlkin mərhələdə 1-4-cü yerləri tutan şahmatçılar 2-ci mərhələdə pley-off sistemi üzrə yarımfinal (I-IV, II-III) və finalda  ölkə çempionu müəyyən edəcəklər.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib