Gələn həftə atletika üzrə qapalı məkanlarda Avropa çempionatı keçiriləcək.

Apasport.az saytının məlumatına görə, martın 5-də start götürəcək çempionatın bütün iştirakçılarının yekun siyahısı açıqlanıb.

Azərbaycan millisi Polşanın Torun şəhərindəki yarışda bir idmançı ilə təmsil olunacaq. Martın 5-7-dəki yarışda Aleksis Kopelo mükafatlar uğrunda mübarizə aparacaq.

Üctəkanla tullanmada mübarizə aparacaq 36 yaşlı veteran yarışın favoritlərindən sayılır. Şəxsi rekordu 17,24 olan Kopello bu növdə mübarizə aparacaq 13 ölkənin 14 atleti arasında 3-cü göstəriciyə malikdir.

Qeyd edək ki, çempionatda ümumilikdə 405 kişi və 328 qadın atleti yarışacaq.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”