İtaliyanın “Milan” klubunun hücumçusu Zlatan İbrahimoviçin İsveç yığmasına dönmək variantı yenidən yaranıb.

Apasport.az saytının məlumatına görə, 40 yaşlı forvard bu il keçiriləcək AVRO-2020-də iştirak edə bilər.

Zlatan 2016-cı ildəki qitə birinciliyindən sonra yığma karyerasını başa vurduğunu elan edib. Ulduz futbolçu millinin çalışdırıcısı Yanne Anderssonu tənqid etsə də, sonradan vəziyyət dəyişib. İbrahimoviçin indi Avropa çempionatında iştirak etmək arzusunda olduğu bildirilib.

Qeyd edək ki, Zlatan İbrahimoviç İsveç yığmasının heyətində 116 oyunda 62 qol vurub. İsveç millisi koronavirus pandemiyasi səbəbindən bu ilə təxirə salınan Avropa çempionatında İspaniya, Polşa və Slovakiya ilə eyni qrupda qərarlaşıb.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”