Tokio-2020 Yay Olimpiya Oyunları davam edir.

Apasport.az saytının məlumatına görə, bu gün daha bir güləşçimiz mübarizəyə qoşulub.

Yunan-Roma güləşində çıxış edən İslam Abbasov üçün Olimpiada uğursuz nəticələnib. Həmçinin dünən yarışa qatılan qadın güləşçimiz Elis Manolovanın bürünc medal qazanmaq ümidi də puç olub.

Yunan-Roma güləşi
3 avqust
87 kq
1/8 final mərhələsindən yarışa start götürən İslam Abbasov ilk görüşdəcə uğursuz olub. 25 yaşlı güləşçi Daniel Qreqoriç Heçavarriaya 1:3 hesabı ilə uduzub. Kubalı idmançı növbəti raundda məğlub olduğundan, təmsilçimiz Olimpiada ilə erkən vidalaşıb.

Sərbəst güləş
Qadınlar
68 kq
Bir gün əvvəl yarışa qoşulan Elis Manolova bu dəfə təsəlliverici görüşə çıxıb. Qırğızıstan idmançısı Mirim Jumanazarovaya 1:4 hesabı ilə yenilən idmançımız bürünc medal şansını da əldən verib.

Qeyd edək ki, güləşçilərimizdən Rafiq Hüseynov (77 kq) bu gün bürünc medal uğrunda mübarizə aparacaq. 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib