Karate üzrə Azərbaycan yığması mövsümün ikinci Karate1 Premyer Liqa turnirində iştirak edəcək.

Apasport.az saytının məlumatına görə, karateçilərimiz aprelin 22-24-də Portuqaliyanın Matasinhos şəhərində baş tutacaq yarışda qüvvəsini sınayacaq.

Turnirdə ölkəmizi 14 idmançı təmsil edəcək. Kişilərdən ibarət milli komandada Əminağa Quliyev, Sultan Hüseynov, Hüseyn Məmmədli (hər üçü 60 kq), Tural Ağalarzadə, Rafiz Həsənov (hər ikisi 67 kq), Fərid Ağayev (75 kq), Pənah Abdullayev, Turqut Həsənov (hər ikisi 84 kq), Asiman Qurbanlı və Osman Osmanlı (hər iksi +84 kq) tatami üzərinə çıxacaq.

Qadınların yarışında Mədinə Sadiqova (50 kq), İlahə Qasımova (55 kq), Ayla Rzazadə (61 kq) və İrina Zaretskanı (68 kq) mübarizə aparacaq. Beynəlxalq hakimlərdən Cahamgir Babayev və Vüqar Kərimov yarışın referiləri arasında olacaq. 

Qeyd edək ki, Matasinhosda Karate1 Premyer Liqa turnirinə 58 ölkədən 351 idmançı qatılacaq.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib