Azərbaycan karateçiləri Birləşmiş Ərəb Əmirliklərinin Fujeira şəhərində Karate1 Premyer Liqa turnirini başa vurublar. 

Apasport.az saytının məlumatına görə, yarışa 9 idmançı ilə qatılan yığmamız 1 qızıl, 1 gümüş və 1 bürünc medal qazanıb. 

Komandamızın heyətində İrina Zaretska qalib adına sahib olub. 68 kq çəki dərəcəsində mübarizə aparan dünya çempionu finalda italiyalı Silvia Semeraronu məğlub edib. 

Zaretskadan fərqli, Tural Ağalarzadə (67 kq) finalda məğlubiyyətə üzülüb. O, həlledici görüşdə qazaxıstanlı Didar Amrali ilə dueldən məğlub ayrılıb və gümüş medalla kifayətlənib. 

Millimizə digər mükafatı Turut Həsənov (84 kq) qazandırıb. O, üçüncü yer uğrunda döyüşdə Robin Rettenbaherə qalib gəlməklə, fəxri kürsünün üçüncü pilləsinə qalxıb. 
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib