Parisdə keçirilən “Böyük dəbilqə” turnirindən sonra cüdoçuların dünya reytinqi açıqlanıb.

Apasport.az saytının məlumatına görə, Fransa paytaxtındakı yarış Azərbaycan təmsilçilərinin də mövqeyinə təsir edib.

Yalnız finalda uduzan Uşanqi Kokauri (+100) 4 pillə irəliləyib. 2376 xala malik idmançımız 12-cidir.

Parisdə gümüş əldə edən digər cüdoçumuz Məmmədəli Mehdiyev (90 kq) bir addımlıq irəliləyişə nail olub. O, 3920 xalla 5-cidir.

Məmmədəlidən başqa, “Top-10”da yer alan üç cüdoçumuzun mövqeyi dəyişməyib. 2992 xalla 4-cü olan Kəramət Hüseynov (60 kq) ən yaxşı təmsilçimizdir. Orxan Səfərov (66 kq) 3280 xalla 6-cı, Zelim Kotsoyev (100 kq) 3092 xalla 9-cudur.

İkinci “onluq”da qərarlaşan digər 4 təmsilçimizdən biri – Hidayət Heydərov (73 kq) 2580 xalla 11-ci sırada qalıbsa, üç cüdoçumuz geriləyib. Mövqeyi bir addım pisləşən Murad Fətiyev (81 kq) 2384 xalla 13-cüdür. 2570 xala malik İrina Kindzerska (+78 kq) və Rüstəm Orucov (73 kq) hərəyə 2 addım geriləməklə 14-cü sıraya yuvarlanıb.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib