Azərbaycan Taekvondo Federasiyasının hesabat-seçki konfransından sonra brifinq keçirilib.

Apasport.az saytının məlumatına görə, Kəmaləddin Heydərov yenidən quruma prezident seçilib.

Qurumun vitse-prezidenti Nağı Səfərov Gənclər və İdman Nazirliyində baş tutan tədbirdə fikirlərini bölüşüb: “Kəmaləddin Heydərov növbəti 5 il üçün federasiyanın prezidenti seçildi. Həmçinin Nizamnamədə duran digər məsələlər müzakirə olundu”.

O, bundan sonrakı hədəflər barədə sualı da cavablandırıb: “Uzun müddətdir fikrimizdə var ki, ölkəmizdə dünya çempionatı təşkil edək. Pandemiya səbəbindən ötən iki ildə bunu reallaşdıra bilmədik. Ancaq növbəti dünya çempionatlarından birini Bakıda təşkil etmək istəyirik”.

Səfərov yığmada baş məşqçi dəyişikliyini bununla əlaqələndirib: “Olimpiadada medal qazanmamağımız baş məşqçidən çox pandemiya ilə əlaqədar oldu. Baş məşqçi planının 15 faizini yerinə yetirə bilmişdi. Federasiya rəhbərliyi də bu məsələni müzakirəyə çıxardı və Rıza Mehmandostla əməkdaşlığımıza davam etdirməyi qərara aldıq”.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib